luns, 17 de setembro de 2018

4º de ESO


Atoparemos inspiración neste blog para as primeiras clase do curso:
https://sites.google.com/site/dopolesei/plastica-4o-eso

3º ESO Expresión Plástica

Nesta primeira avaliación imos traballar a expresión plástica: proceso creativo, a imaxe como representación da realidade, o bosquexo, a natureza, temperatura e simbolismo da cor e materiais e técnicas de debuxo e pintura.

Aquí sedes un enlace no que ler como se leva a cabo o proceso creativo:
http://www.edu.xunta.gal/centros/iesmos/system/files/proceso%20creativo%20para%2031%20eso.pdf
A continuación faremos uns exercicios para aprender a mellorar a nosa creatividade como: O CADÁVER EXQUISITO,  e ostras técnicas surrealistas.
http://masdearte.com/especiales/ser-papel-o-ser-moderno-tecnicas-contemporaneas-de-dibujo/ e http://susanaplastica2012.blogspot.com/2012/05/exposicion-2012.html

Déixovos dous enlaces con vídeos para fomentar a creatividade: https://youtu.be/itulf1nFC_w
https://youtu.be/QX4-YuqRnzI  e  https://youtu.be/bpefOMTvXis

martes, 9 de xaneiro de 2018

1000 grúas pola paz

Desde 1964, para conmemorar a morte de Gandhi, celébrase o 30 de xaneiro o Día Escolar da Non-Violencia e a Paz, recoñecido pola UNESCO en 1993. Nas aulas de Plástica queremos conmemorar este día recordando a historia de Sadako Sasaki e as mil grúas de papel, a historia das MIL GRÚAS POLA PAZ.


Sadako Sasaki
Sadako Sasaki (佐々木 禎子) foi unha nena xaponesa que tiña dous anos cando caeu a bomba atómica preto da súa casa en Hiroxima o 6 de agosto de 1945. Moitos dos seus veciños morreron, pero os seus pais e a meniña sobreviviron. Sadako medrou como unha rapaza saudable ata que en novembro de 1954 comezou a amosar síntomas de leucemia. Foi hospitalizada en 1955 e os médicos déronlle poucos meses de vida. Daquela xa se sabía que a causa fora a exposición á radiación.

A súa mellor amiga foina ver ao hospital e fíxolle unha grúa de
papel, pois existe unha lenda tradicional xaponesa que promete que os deuses concederán un desexo a calquera que realice mil grúas de papel. A rapaza púxose a facer centos delas, co desexo de sandar da súa enfermidade. Parece ser que só puido completar unhas seiscentas, pois a morte presentóuselle uns meses despois. Simbolicamente, os seus amigos continuaron a súa misión e completaron as 1000 grúas coa esperanza de que se evitasen as guerras no futuro e se conseguise a paz no mundo.

En 1958 os nenos e nenas da cidade de Hiroshima dedicáronlle unha estatua para honrar a súa memoria e a de todas as crianzas que morreran polos efectos da bomba atómica. Na estatua aparece unha grúa e ó seu pé lese: "Este é o noso berro. Esta é a nosa pregaria. Paz no mundo.” Cada ano, no Día da Paz, chegan miles de grúas de papel a Hiroshima dende todos os lugares do planeta. Os nenos da cidade colgan as grúas no monumento de Sadako, coa esperanza de transmitir esta mensaxe a todo o mundo.



Por que grúas?
Para os xaponeses a grúa é o símbolo da paz, igual ca para nós o é a pomba branca.





Que é o origami?
É parte integral da cultura xaponesa dende hai máis de 1.000 anos. A súa técnica baséase no pregado de papel para crear figuras, arte que tamén se coñece como papiroflexia.


A seguir déixovos uns vídeos ilustrativos que relatan a historia de Sadako e mais explican como facer estas figuriñas de origami. Con elas decoraremos a nosa aula. 


Conseguiremos chegar ata 1.000? A por elas!!!








xoves, 30 de novembro de 2017

Non ás ataduras!!

Benquerid@s blogueir@s!
Todos e todas temos que facernos oír contra a violencia de xénero. E nas clases de plástica tamén o imos ter presente, non só o 25 de novembro, senón tódolos días do ano.
Nese sentido vai o noso novo traballo. Todo comezou cando atopei na rede esta imaxe:



Pensei entón en facermos unhas marionetas ou monicreques que representen mulleres atadas e privadas de liberdade; porque precisamente é o que temos que evitar. A muller debe ser libre e non estar controlada pola súa parella de ningún xeito.

Cando teñamos as nosas bonecas, cortarémoslles os fíos simbolizando esa demanda de liberdade que queremos para todas as mulleres do mundo. Traede as vosas tesoiras!! Pola igualdade!!

Tedes aquí un vídeo para inspirarvos. E estoutro tamén ten ideas curiosas.

Traballo voluntario: animais feitos de follas secas

Aquí vos deixo información sobre outro traballo voluntario deste trimestre: ides crear uns animaliños feitos con follas das árbores. Xa sei que agora comeza a perderse a follaxe por mor da chuvia e do mal tempo, pero se fostes rápidos e veloces, seguro que xa as recollestes nas semanas anteriores. 

Velaquí algunhas das imaxes que atopei pola rede e que vos poden servir de inspiración; aínda que poñede toda a vosa imaxinación e creade os animais que máis vos gusten ao voso xeito. 


























Moitas máis ideas en:
https://www.pinterest.es/

4º de ESO

Atoparemos inspiración neste blog para as primeiras clase do curso: https://sites.google.com/site/dopolesei/plastica-4o-eso